Cynllun Cenedlaethol i Atgyfeirio Cleifion i Wneud Ymarfer Corff

Mae’r Cynllun Cenedlaethol i Atgyfeirio Cleifion i Wneud Ymarfer Corff (NERS) yn gynllun a ariannwyd gan Lywodraeth Cymru (LlC) a reolir yn ganolog gan Gymdeithas Llywodraeth Leol Cymru (CLlLC) drwy weithio mewn partneriaeth gydag Iechyd Cyhoeddus Cymru ers mis Gorffennaf 2007.

Os ydych chi’n teimlo y byddech chi’n elwa o’r cynllun, yn 16 oed neu’n hŷn ac yn addas i ymuno â’r cynllun, siaradwch â’r meddyg teulu/nyrs practis/gweithiwr iechyd proffesiynol am gael eich atgyfeirio.

• Colwyn Leisure Centre
• Abergele Leisure Centre
• Hwb Yr Hen Ysgol, Llanrwst
• Llandudno Junction Leisure Centre

Gallwch gael mynediad at y cynllun yn y lleoliadau canlynol:

• Canolfan Hamdden Colwyn
• Canolfan Hamdden Abergele
• Hwb yr Hen Ysgol, Llanrwst
• Canolfan Hamdden Cyffordd Llandudno

Bydd un o’n Gweithwyr Ymarfer Corff Proffesiynol yn eich cefnogi drwy gydol eich siwrnai ar y cynllun. Byddwch yn derbyn ymgynghoriad cychwynnol, ymarfer corff priodol ar bresgripsiwn, ac adolygiad 4 wythnos ac 16 wythnos.

Ar ôl cwblhau’r cynllun, byddwch yn derbyn adolygiad 16 wythnos lle byddwn yn canfod llwybr ymadael priodol i chi. Byddwch hefyd yn cael cyfle i ymaelodi â Ffit Conwy gyda gostyngiad o 40%.

Gallai’r buddion corfforol gynnwys:

• Gwella cryfder ac effeithlonrwydd y galon a’r ysgyfaint
• Gwella cryfder cyhyrol
• Sefydlogi’r cymalau
• Gellir oedi arwyddion cynnar o osteoporosis
• Gallwch leihau lefelau braster yn y corff a phwysau gormodol
• Gallwch wella’ch gallu i ymlacio a chysgu
• Gallwch ymgymryd â gweithgareddau dydd i ddydd yn haws
• Teimlo’n fwy effro ac egnïol
• Helpu i gynnal osgo da
• Helpu i normaleiddio pwysau gwaed
• Lleihau’r perygl o ddatblygu diabetes
• Helpu i gynnal annibyniaeth

Bydd y buddion seicolegol yn cynnwys:

• "Nid wyf yn teimlo gymaint o straen a gorbryder"
• "Mae fy hunanhyder a’m hunan-barch wedi gwella"
• "Mae cadw’n heini wedi fy helpu i roi’r gorau i ysmygu"
• "Mae’r sesiynau ymarfer corff yn fy helpu i neilltuo amser i mi fy hun"
• "Mae fy ngwraig yn dweud fy mod yn edrych yn hapusach"
• "Rwy’n cymryd mwy o gyfrifoldeb am fy iechyd"

Mae’r buddion cymdeithasol yn cynnwys:

• "Roedd yn gyfle da i gwrdd â phobl eraill a oedd yn pryderu am yr un pethau â mi"
• "Mae’r sesiynau wedi fy helpu i fynd allan o’r tŷ a datblygu diddordeb newydd"
• "Rwyf wedi gwneud ffrindiau newydd ac yn mwynhau’r sgyrsiau"
• "Rwy’n teimlo’n fwy heini ac rwyf bellach yn gallu treulio mwy o amser yn chwarae gyda’m hwyrion a’m hwyresau"