Polisi Parch, Diogelwch a Gwrth-aflonyddu

Yn Ffit Conwy rydym yn ymroddedig i greu amgylcheddau croesawgar, cynhwysol a diogel, lle gall pawb fwynhau cadw’n heini.

Mae gan bob cwsmer yr hawl i wneud ymarfer corff, nofio a chymryd rhan mewn gweithgareddau heb brofi aflonyddwch, bygythion, gwahaniaethu neu sylw nas dymunir.

Mae gan Ffit Conwy ymagwedd o ddim goddefgarwch tuag at aflonyddu rhywiol, bygythion, ymddygiad bygythiol ac unrhyw ymddygiad sy’n gwneud i unigolyn arall deimlo’n anniogel neu’n anghyfforddus. Mae’r ymrwymiad hwn yn adlewyrchu canllawiau a ddatblygwyd ledled y sector gweithgarwch corfforol yn y DU gan ukactive, Sport England, This Girl Can, a phartneriaid diogelu.

Yr Hyn a Ddisgwyliwn gan ein Cwsmeriaid

Gofynnwn i’r holl gwsmeriaid, aelodau ac ymwelwyr i:

• Drin pawb â chwrteisi, urddas a pharch
• Parchu gofod personol pobl eraill
• Dilyn cyfarwyddiadau’r staff a rheolau’r cyfleuster
• Helpu i greu amgylchedd cyfeillgar a chynhwysol
• Bod yn ystyriol tuag at eraill sy’n defnyddio ein cyfleusterau.
   

Ymddygiad Annerbyniol

Ni fyddwn yn goddef yr ymddygiad canlynol:

Aflonyddu Rhywiol

Mae hyn yn cynnwys:

• Sylwadau, jôcs neu ystumiau nas dymunir
• Sylwadau amhriodol am edrychiad unigolyn
• Sylw mynych nas dymunir
• Ceisiadau nas dymunir am fanylion cyswllt personol
• Unrhyw fath o ymddygiad bygythiol rhywiol.

Bygythion ac Aflonyddu

Mae hyn yn cynnwys:

• Syllu’n barhaus
• Dilyn neu fonitro cwsmer arall
• Ymwthio i ofod personol rhywun
• Bwlio, ymddygiad bygythiol neu ymosodol
• Unrhyw ymddygiad sy’n achosi i rywun deimlo’n anniogel.

Tynnu Lluniau a Ffilmio

Mae’n rhaid i gwsmeriaid beidio â:

• Thynnu lluniau o eraill neu eu ffilmio heb eu caniatâd
• Defnyddio camerâu neu ffonau symudol mewn ystafelloedd newid, toiledau neu ardaloedd gwaharddedig eraill
• Rhannu delweddau o gwsmeriaid eraill heb ganiatâd.
  
  

Ein Hymrwymiad

Mae staff campfeydd, cynorthwywyr hamdden a rheolwyr dyletswydd Ffit Conwy yn monitro a phatrolio ein campfeydd a’n cyfleusterau yn weithredol i helpu i sicrhau bod pawb yn teimlo’n ddiogel ac yn cael eu cefnogi. Hyfforddir staff i adnabod ymddygiad amhriodol, ymateb i bryderon a gweithredu pan fo angen.

Os ydych yn profi neu’n gweld ymddygiad sy’n eich gwneud yn anghyfforddus, siaradwch ag aelod o staff cyn gynted â phosibl.

Byddwn yn:

• Cymryd pob adroddiad o ddifrif
• Trin pryderon mewn modd sensitif a pharchus
• Ymchwilio i ddigwyddiadau’n ddi-oed
• Cymryd camau gweithredu priodol lle bo angen.
  
  

Canlyniadau Camymddwyn

Os canfyddir bod unrhyw rai wedi torri’r polisi hwn, gellir:

• Rhoi rhybudd llafar neu ysgrifenedig iddynt
• Eu hanfon o’r cyfleuster
• Rhoi ataliad dros dro ar eu haelodaeth Ffit Conwy neu eu gallu i Dalu a Chwarae, neu eu terfynu
• Rhoi gwybod i’r Heddlu neu awdurdodau eraill amdanynt.
  
  

Angen Cefnogaeth?

Os ydych yn teimlo’n anniogel neu’n profi unrhyw fath o aflonyddu wrth ddefnyddio ein cyfleusterau, siaradwch ag aelod o dîm Ffit Conwy ar unwaith.

Gellwch hefyd gysylltu ag aelod o dîm Ffit Conwy yn gyfrinachol drwy: 
Ffonio 0300 456 9525 neu e-bostio hamdden.leisure@conwy.gov.uk

Mae gan bawb yr hawl i gadw’n heini mewn amgylchedd sy’n ddiogel, croesawgar a pharchus. Rydym wedi ymrwymo i sicrhau bod Ffit Conwy yn wasanaeth lle mae pob cwsmer yn teimlo’n gyfforddus, ei fod yn cael ei werthfawrogi ac yn gallu gwneud ymarfer corff gyda hyder.