Polisi Canslo ac Ad-dalu

Canslo Eich Aelodaeth Debyd Uniongyrchol

Rydym ni’n cydnabod bod amgylchiadau pobl yn newid. Os ydych yn dymuno canslo eich aelodaeth Debyd Uniongyrchol, gallwch wneud hynny yn uniongyrchol gyda’ch banc. Gallwch hefyd ganslo yn bersonol yn un o’n cyfleusterau trwy gwblhau’r ffurflen ganslo, neu gallwch gysylltu â ni’n ysgrifenedig trwy e-bost ar hamdden.leisure@conwy.gov.uk.

Mae gan aelodau hawl i ddod a’u cytundeb i ben o fewn pedwar diwrnod ar ddeg (14) o ymuno trwy gyflwyno cais ysgrifenedig i’r cyfeiriad e-bost uchod. Bydd ad-daliad yn cael ei roi ar gyfer y ffi aelodaeth a dalwyd, gan dynnu’r swm pro-rata ar gyfer nifer y dyddiau a ddefnyddiwyd cyn canslo neu’r gwersi a fynychwyd.

Os na all Ffit Conwy gasglu’r ffi Debyd Uniongyrchol ar y dyddiad ail-gyflwyno, (ar yr wythfed ar hugain o bob mis neu’n agos at y dyddiad hwnnw), bydd yr aelodaeth yn cael ei ‘rhwystro’ ac ni ellir ei defnyddio hyd nes eich bod chi’n talu’r ffioedd sy’n ddyledus. Os ydych chi’n dymuno ail-ddechrau eich aelodaeth gyda ni, bydd gofyn i chi dalu'r ffi ymuno bresennol ac unrhyw daliad pro rata cymwys.

Canslo Aelodaeth Flynyddol

Cynigir Aelodaeth Flynyddol ar raddfa ostyngedig ar gyfer cwsmeriaid sy’n ymrwymo am 12 mis. Gall yr aelodaeth hon gael ei ganslo o fewn y pedwar diwrnod ar ddeg (14) cyntaf ar ôl ymuno, fodd bynnag, ar ôl y cyfnod hwn ni ellir eu canslo, oni bai am resymau meddygol neu dosturiol lle bydd canslo’n cael ei ystyried ar ôl derbyn tystiolaeth briodol a pherthnasol.

Mae gan aelodau hawl i ddod a’u cytundeb i ben o fewn pedwar diwrnod ar ddeg (14) o ymuno trwy gyflwyno cais ysgrifenedig i hamdden.leisure@conwy.gov.uk. Bydd ad-daliad yn cael ei roi ar gyfer y ffi aelodaeth a dalwyd, gan dynnu’r swm pro-rata ar gyfer nifer y dyddiau a ddefnyddiwyd cyn canslo.

Gweithgareddau Wedi'u Rhaglennu Ac Y Gellir Cadw Lle Ar Eu Cyfer

Gall eich aelodaeth roi'r hawl i chi gadw lle ar gyfer dosbarthiadau neu weithgareddau sydd wedi'u cynnwys yn eich aelodaeth.

Anogir aelodau i fewngofnodi gyda’r cerdyn ar gyfer yr holl sesiynau maent yn eu mynychu. Rydym ni hefyd wedi atgoffa ein timau derbynfa am bwysigrwydd cofnodi pawb sy’n bresennol.

Cwsmer yn Canslo Archeb

Sesiynau Unigol

• Rhaid canslo o leiaf 1 awr cyn yr amser dechrau sydd wedi’i nodi.
• Nid oes modd rhoi ad-daliadau.
• Fodd bynnag, mae modd trosglwyddo eich lle ar gyfer dyddiad arall neu gellir ychwanegu credyd at eich cyfrif i'w ddefnyddio yn y dyfodol trwy gysylltu â'r Ganolfan Hamdden yn uniongyrchol, gan sicrhau eich bod chi’n rhoi o leiaf 1 awr o rybudd.

Gweithgareddau Grŵp (e.e., chwaraeon raced, chwaraeon tîm)

• Rhaid canslo 24 awr ymlaen llaw.
• Bydd canslo o fewn 24 awr yn arwain at ffi o 50%, gyda’r 50% arall yn cael ei ad-dalu.
• Ni fydd y defnydd yn cael ei ychwanegu at gyfrif aelod ar gyfer canslo.

Dyled heb ei thalu

Os oes gan gwsmer ffioedd sydd heb eu talu, bydd eu mynediad at gyfleusterau’n cael ei rwystro nes i’r holl ffioedd gael eu talu.

Bydd eich cydweithrediad chi o ran dilyn y polisi canslo yn ein galluogi ni i roi eich lle chi i aelodau eraill.

Y Ganolfan yn Canslo

Rydym ni’n cadw’r hawl i wrthod neu ganslo unrhyw ddosbarth neu weithgaredd yr ydych chi wedi cadw lle ar eu cyfer heb roi rheswm, gwrthod mynediad i’r ganolfan, gwrthod cais am aelodaeth a diddymu aelodaeth.

Gallwn ni ychwanegu at, newid, diddymu neu ganslo cyfleusterau neu weithgareddau ar unrhyw adeg. Gall hyn gynnwys cau dros dro am resymau diogelwch, cynnal a chadw neu ddigwyddiadau arbennig.

Ni fydd modd ad-dalu ffioedd aelodaeth os bydd y ganolfan yn canslo gweithgaredd neu gyfleuster a drefnwyd ymlaen llaw gennych chi. Ni fydd y ganolfan yn atebol am unrhyw wariant arall neu golled o ganlyniad i ganslo’r trefniant.

Dod ag Aelodaeth Gwersi Nofio a Gymnasteg i Ben

Gall aelodau sy’n talu gyda Debyd Uniongyrchol ganslo o fewn 14 diwrnod o gofrestru. Os diddymir aelodaeth o fewn y cyfnod hwn, bydd unrhyw daliadau pro rata yn cael eu had-dalu, ar wahân i ffioedd am y gwersi a fynychwyd.

Ar ôl y cyfnod 14 diwrnod, gellir diddymu aelodaeth yn dilyn y cyfnod cychwynnol drwy lenwi ffurflen diddymu aelodaeth neu drwy anfon e-bost at hamdden.leisure@conwy.gov.uk.
Ni ellir derbyn ceisiadau i ganslo aelodaeth ar lafar.

Pan dderbynnir cais i ganslo aelodaeth, rhoddir cadarnhad o’r dyddiad canslo o fewn 10 diwrnod gwaith. Os nad ydych yn derbyn cadarnhad o fewn yr amser hwn, cysylltwch â ni trwy e-bost neu drwy ffonio 0300 456 9525.

Rhoddir ad-daliad am wersi nofio a gymnasteg dim ond os oes cyflwr meddygol hirdymor sy’n atal unigolyn rhag cymryd rhan. Cyfrifir ad-daliadau o’r dyddiad y cyflwynir tystiolaeth briodol i’r ganolfan gyswllt trwy e-bost.