Merched a Genethod

Mwynhewch y manteision o gerdded yn yr awyr agored wrth grwydro rhai o ardaloedd harddaf Conwy gyda chymuned gefnogol o ferched. Mae’r sesiynau wedi’u cynllunio i feithrin hyder yn yr awyr agored, gwella lles, a helpu’r rhai sy’n cymryd rhan i ddarganfod llwybrau cerdded lleol mewn awyrgylch hamddenol a chroesawgar.

Boed cerdded yn beth newydd i chi, eich bod eisiau crwydro ychydig ymhellach, neu eich bod yn awyddus i wella eich sgiliau cwmpawd, bydd ein harweinwyr cerdded a mynydda profiadol yno i’ch arwain bob cam o’r ffordd. Mae’r teithiau’n cael eu cynnal mewn amrywiaeth o leoliadau, yn cynnwys y mynyddoedd, bryniau, coedwigoedd, llwybrau coediog ac ar dir gwledig.

Cyfarpar sydd ei angen: Dillad addas ar gyfer yr awyr agored, yn cynnwys dillad dal dŵr a haenau cynnes, esgidiau cerdded, diod, a rhywbeth i’w fwyta.

Pryd: Bob yn ail ddydd Gwener 9:45am–12:00pm (cychwyn am 10:00am)

Lleoliad: Amryw leoliadau ar draws y sir (gweler wrth archebu)

Aelodau: £5.00

Rhai nad ydynt yn aelodau: £7.50

Yn addas ar gyfer merched 14 oed a hŷn. Rhaid i oedolyn fod gydag unrhyw un sydd o dan 16 oed.

I archebu:

• Defnyddiwch Ap Ffit Conwy. Dewiswch Datblygu Hamdden fel clwb, yna mynd i Gwneud Archeb > Digwyddiad > Teithiau Tywys i Ferched.
• Gallwch hefyd ffonio ein Canolfan Gyswllt ar 0300 456 95 25.

Dewch i fwynhau symud ar y dŵr wrth fagu hyder a meithrin sgiliau newydd gyda chriw cefnogol o ferched. Mae’r sesiynau yma wedi’u cynllunio i wella hyder ar y dŵr, lles, a sgiliau padlfyrddio mewn awyrgylch diogel sy’n eich annog i lwyddo.

P’un a ydych chi’n rhoi cynnig ar badlfyrddio am y tro cyntaf neu eisiau datblygu eich techneg, bydd ein hyfforddwyr cymwys yn eich cefnogi drwy gydol y sesiwn. Bydd y rhai sy’n cymryd rhan yn dysgu sgiliau padlo, yn gwella cydbwysedd a hyder ar y dŵr, ac yn mwynhau amser ar y dŵr yng nghanol golygfeydd godidog o Barc Cenedlaethol Eryri.

Cyfarpar sydd ei angen: Mae’r holl gyfarpar padlfyrddio’n cael ei ddarparu, yn cynnwys bwrdd, rhwyf, siaced arnofio, siwt ddŵr / siwt sych, esgidiau a menig dŵr. Dewch â dillad nofio, lliain a diod.

Pryd: Bob yn ail ddydd Gwener, 10:30am-12:00pm (gweithgaredd tymhorol pan mae’r tywydd yn caniatáu)

Lleoliad: Llyn Geirionydd, Llanrwst

Aelodau: £10.00

Rhai nad ydynt yn aelodau: £12.50

Yn addas ar gyfer merched 14 oed a hŷn. Rhaid i oedolyn fod gydag unrhyw un sydd o dan 16 oed.

I archebu: Defnyddiwch Ap Ffit Conwy. Dewiswch Datblygu Hamdden fel clwb, yna mynd i Gwneud Archeb > Digwyddiad > Padlfyrddio i Ferched. Gallwch hefyd ffonio ein Canolfan Gyswllt ar 0300 456 95 25

Crwydrwch yr awyr agored ar ddwy olwyn a darganfod yr hyder sy’n dod o reidio beic trydan. Mae’r sesiynau yma wedi’u cynllunio i helpu merched i ddatblygu sgiliau beicio, gwella ffitrwydd a mwynhau’r manteision o wneud ymarfer corff y tu allan mewn awyrgylch cefnogol a chyfeillgar.

Mae’r sesiynau’n addas ar gyfer dechreuwyr a rhai sy’n ailafael mewn beicio, ac yn cael eu harwain gan hyfforddwyr profiadol a fydd yn helpu’r rhai sy’n cymryd rhan i fagu hyder, gwella eu sgiliau beicio, a mwynhau amrywiaeth o lwybrau lleol. Mae’r teithiau’n cael eu cynnal ar lwybrau trwy’r goedwig, lonydd tawel a thraciau oddi ar y ffordd, gan ganiatáu i’r beicwyr ddatblygu ar gyflymder cyfforddus wrth fwynhau’r amgylchedd.

Cyfarpar sydd ei angen: Mae e-feic, helmed a siaced lachar yn cael eu darparu ar eich cyfer. Dewch â dillad awyr agored addas, esgidiau ymarfer, dillad dal dŵr, a diod a thamaid i’w fwyta.

Pryd: Dyddiau Mawrth, 10:00am–12:00pm

Lleoliad: Coedwig Gwydir, Llanrwst

Aelodau: Wedi’i gynnwys yn eich aelodaeth

Rhai nad ydynt yn aelodau: £15.00

Yn addas ar gyfer merched 14 oed a hŷn. Rhaid i oedolyn fod gydag unrhyw un sydd o dan 16 oed.

I archebu: Defnyddiwch Ap Ffit Conwy. Dewiswch Datblygu Hamdden fel clwb, yna mynd i Gwneud Archeb > Digwyddiad > Padlfyrddio i Ferched. Gallwch hefyd ffonio ein Canolfan Gyswllt ar 0300 456 95 25

Magwch hyder yn y gampfa a chymryd camau cadarnhaol i wella eich iechyd a’ch lles mewn amgylched croesawgar a chefnogol. Mae’r sesiynau wedi’u cynllunio i helpu merched i deimlo’n fwy cyfforddus wrth ddefnyddio cyfarpar y gampfa, datblygu eu ffitrwydd, a mwynhau gwneud ymarfer corff gyda merched eraill o’r un anian â nhw.

Boed y gampfa’n lle newydd i chi, eich bod yn dychwelyd ar ôl seibiant, neu’n chwilio am fwy o arweiniad, bydd ein hyfforddwyr cymwys yn eich cefnogi drwy gydol y sesiwn. Bydd y rhai sy’n rhan o’r sesiwn yn dysgu sut i ddefnyddio cyfarpar yn ddiogel ac effeithiol wrth weithio tuag at eu targedau ffitrwydd personol ar gyflymder sy’n addas iddyn nhw.

Cyfarpar sydd ei angen: Dillad ymarfer cyfforddus, esgidiau ymarfer a photel ddŵr.

Pryd: Dyddiau Llun, 6:15am–7:00am

Lleoliad: Hwb yr Hen Ysgol, Llanrwst

Aelodau: Wedi’i gynnwys yn eich aelodaeth

Rhai nad ydynt yn aelodau: £8.40, consesiwn £5.25

Yn addas ar gyfer merched 11 oed a hŷn

I archebu: Defnyddiwch Ap Ffit Conwy. Dewiswch Datblygu Hamdden fel clwb, yna mynd i Gwneud Archeb > Digwyddiad > Sesiynau Campfa i Ferched. Gallwch hefyd ffonio ein Canolfan Gyswllt ar 0300 456 95 25.