Rheolau Cyffredinol y Pwll Nofio

Er mwyn sicrhau amgylchedd diogel, glân a hwylus i bob nofiwr, dilynwch y canllawiau isod:

Hylendid ac Iechyd

• Cymerwch gawod cyn mynd i mewn i’r pwll, er mwyn helpu i gynnal ansawdd y dŵr.
• Defnyddiwch y toiled cyn nofio, ac anogwch blant i wneud yr un fath.
• Peidiwch â nofio os ydych chi wedi cael dolur rhydd yn y 48 awr diwethaf.
• Os ydych wedi cael diagnosis o cryptosporidiosis, ni ddylech nofio am 14 diwrnod ar ôl i’r dolur rhydd ddod i ben.
• Mae’n rhaid i fabanod neu unrhyw un nad ydynt yn gallu rheoli eu coluddyn wisgo clwt nofio sy’n ffitio’n dda.
• Nid yw clytiau nofio yn gallu atal gollyngiad, felly mae’n rhaid eu gwirio a’u newid os ydynt yn fudr.
• Ni ddylai unrhyw un sy’n profi dolur rhydd - ni waeth os ydynt yn gwisgo clwt nofio - ddefnyddio’r pwll am 48 awr yn dilyn hynny.
• Os ydych wedi cael diagnosis o cryptosporidiosis, ni ddylech nofio am 14 diwrnod ar ôl i’r dolur rhydd ddod i ben.
• Peidiwch â nofio os ydych chi’n teimlo’n sâl, mae gennych salwch heintus, briwiau agored, neu rydych o dan ddylanwad alcohol neu gyffuriau.
• Peidiwch a gorddefnyddio diaroglydd aerosol i warchod pobl sy’n cael anawsterau anadlu.

Diogelwch

• Rhowch wybod i’r achubwyr bywyd am unrhyw gyflwr meddygol a all effeithio ar eich diogelwch.
• Nofiwch o fewn eich gallu, a defnyddiwch gymhorthion arnofio os oes angen.
• Ymgyfarwyddwch gyda dyfnderoedd y pyllau nofio, peryglon, ac arwyddion cyn mynd i mewn.
• Gwrandewch ar gyfarwyddiadau’r achubwyr bywyd a dilynwch unrhyw hysbysiadau sy’n cael eu cyhoeddi - maent yno ar gyfer eich diogelwch.
• Osgowch ddal eich gwynt o dan y dŵr am gyfnodau hir.
• Cerddwch yn ofalus wrth ochr y pwll; efallai bydd arwynebau’n llithrig.
• Defnyddiwch y loceri a ddarperir er diogelwch eich eiddo; gadewir eitemau heb eu goruchwylio ar fenter y perchennog. 
• Mae rhai o’n cyfleusterau yn gweithredu Teledu cylch caeëdig (a reolir gan Gyngor Bwrdeistref Sirol Conwy; Cysylltwch ar 01492 574000). 
• Dim ffotograffiaeth na fideos heb ganiatâd ymlaen llaw gan y rheolwyr.

Gwisgoedd Nofio a Chyfarpar

• Gwisgwch wisg nofio priodol sydd wedi’i restru ar y dudalen hon Gwisgoedd Nofio
• Ni ddylai gwisgoedd nofio fod yn rhy drwm neu’n dryloyw pan yn wlyb.
• Ni ddylid gwisgo esgidiau tu allan wrth ochr y pwll heb orchuddion esgidiau.
• Efallai bydd defnydd esgyll, snorceli, masgiau, neu gyfarpar arall yn cael eu cyfyngu yn ystod sesiynau cyhoeddus - gwiriwch gyda’r dderbynfa.
• Ni ddylid defnyddio gogls neu fasgiau gwydr yn y pwll. 

Ymddygiad Cyffredinol

• Byddwch yn ystyriol o eraill: rhannwch lonydd yn seiliedig ar gyflymer, ac osgowch rwystro nofwyr.
• Cadwch sŵn i lefelau rhesymol ac osgowch ymddygiad sy’n amharu.
• Gwaredwch ar sbwriel yn gyfrifol, a chadwch ardaloedd newid yn daclus.
• Goruchwyliwch blant bob amser a chadwch o fewn hyd braich i bobl nad ydynt yn gallu nofio.