Gwobrau Chwaraeon Conwy

Gwybodaeth am y Gwobrau Chwaraeon

Ers 1998, mae Gwobrau Chwaraeon Conwy wedi bod yn rhoi sylw i athletwyr anhygoel ac arwyr tawel Bwrdeistref Sirol Conwy. 

O sêr ifanc y dyfodol i gystadleuwyr profiadol, mae’r gwobrau hyn yn dathlu’r rhai sy’n gwthio ffiniau rhagoriaeth yn eu camp ddewisol, yn ogystal â’r unigolion ymroddedig sy’n gweithio’n ddiflino y tu ôl i’r llenni i gefnogi clybiau ac athletwyr o un wythnos i’r llall.

Mae Conwy yn gartref i dalent eithriadol, gyda chystadleuwyr yn gwneud argraff ar lwyfannau cenedlaethol, rhyngwladol a hyd yn oed ar draws y byd. Mae’r digwyddiad mawreddog hwn, a gynhelir bob blwyddyn yn Venue Cymru, prif theatr a lleoliad cynadledda Conwy, yn ddathliad go iawn o ymroddiad, angerdd a chyrhaeddiad mewn chwaraeon.

• Gwobrau Chwaraeon 2026: Dyddiad i’w gadarnhau (enwebiadau ar agor Mehefin 2026)

Mae’r Gwobrau Chwaraeon wedi eu llunio i gydnabod ac anrhydeddu pobl dalentog ym maes chwaraeon, clybiau chwaraeon, hyfforddwyr a gwirfoddolwyr yng Nghonwy. 

Y categorïau yw:

• Campwr Iau y Flwyddyn
• Campwraig Iau y Flwyddyn
• Tîm Chwaraeon Ieuenctid
• Gwirfoddolwr Ifanc y Flwyddyn
• Gwobr Llwyddiant Arbennig
• Campwr Hŷn y Flwyddyn
• Campwraig Hŷn y Flwyddyn
• Tîm Chwaraeon Hŷn
• Hyfforddwr y Flwyddyn
• Gwasanaethau i Chwaraeon
• Gwirfoddolwr y flwyddyn

Ymunwch â ni wrth i ni anrhydeddu’r rhagoriaeth mewn chwaraeon sy’n gwneud Conwy yn falch!

Manylion Cyswllt:
Caroline Jones, Rheolwr Datblygu Hamdden
Ffôn: 0300 456 95 25
E-bost: caroline.jones@conwy.gov.uk

Blynyddoedd blaenorol: