Wythnos Atal Boddi: 14 tan 21 Mehefin 2025

Eleni rydym yn cefnogi ac yn hyrwyddo Wythnos Atal Boddi Cymdeithas Frenhinol Achub Bywydau y DU (RLSS). Nod Wythnos Atal Boddi yw helpu i sicrhau bod gan bawb ledled y DU ac Iwerddon y cyfle i fwynhau dŵr, yn ddiogel.

Ystadegau allweddol:

• Yn y DU ac Iwerddon, mae boddi damweiniol yn hawlio cyfartaledd o 307 o fywydau bob blwyddyn.
• Nid oedd mwy na 44% byth yn bwriadu bod yn y dŵr.
• Dywedodd dros 55% o rieni a holwyd na fyddent yn hyderus y byddai eu plentyn yn gwybod beth i'w wneud pe baent yn syrthio i ddŵr agored.
• Dywedodd 1 o bob 3 o'r rhai a holwyd fod eu galluoedd nofio yn cyfyngu ar y gweithgareddau y gallent eu gwneud.
• Mae dros 60% o foddi damweiniol yn digwydd mewn dŵr mewndirol.
• Mae tua 49% o achosion o foddi damweiniol yn digwydd rhwng mis Mai ac Awst.
• Amcangyfrifir bod bron i 2 filiwn o blant wedi colli gwersi nofio ysgol yn Lloegr yn unig, ers dechrau'r pandemig.

Ni ddylai neb, ni waeth beth fo'u hamgylchiadau, golli'r cyfle i ddysgu sgiliau bywyd hanfodol. Mae gennym wersi nofio i oedolion a phlant ar draws 4 pwll nofio.

Darllenwch am Wythnos Atal Boddi ar wefan y Gymdeithas Frenhinol Achub Bywydau (dolen allanol, yn Saesneg yn unig.

Dysgwch fwy am wersi nofio Ffit Conwy.