Polo Dŵr

Mae Sgiliau Polo Dŵr yn cynnig fframwaith i nofwyr/chwaraewyr i helpu i ddatblygu sgiliau pwysig i gymryd rhan a chystadlu yng nghamp gyffrous Polo Dŵr.  Mae yna 5 lefel a dyfarniad sydd wedi’u dylunio i gyfranogwyr sy’n dymuno gwella eu techneg wrth basio, dal, saethu a sgorio, chwarae fel tîm ac ymwybyddiaeth ofodol. Mae wedi’i lunio i sefydlu ymarfer da ac arferion a sgiliau cywir yn gynnar yng ngyrfa chwaraewr. 

Mae ein sesiynau Polo Dŵr yn dilyn canllawiau Nofio Cymru ac fe ddaw’r wybodaeth ar y dudalen o’u gwefan.

Canllaw

• Wedi cwblhau Ton 4 Rhaglen Dysgu Nofio Cymru 
• Yn gyfforddus yn y dŵr heb wisgo gogls 

Manteision Fframwaith Polo Dŵr

• Rhoi fframwaith strwythuredig i athrawon a hyfforddwyr i’w ddefnyddio’n benodol ar gyfer darpar chwaraewyr polo dŵr. 
• Rhoi eglurder i chwaraewyr am yr hyn maen nhw’n gweithio arno a pha sgiliau sy’n bwysig i’w datblygu.  Mae hyn yn ysbrydoli plant i symud drwy’r lefelau a gwella eu sgiliau. 
• Yn dilyn ymlaen o Fframwaith Dysgu i Nofio, Nofio Cymru, ac felly’n rhoi llwybr esmwyth mewn i’r gamp o ddarparwr dysgu nofio. 
• Cynllun gwobrwyo dwyieithog lle gall darparwyr gynnig tystysgrifau i gyfranogwyr ar ôl cyflawni lefel. 

I gael rhagor o fanylion am unrhyw weithgaredd neu glwb, cysylltwch â ni neu gallwch ymweld â’ch pwll nofio lleol.

Lefel 1 

Nodau

1. Dysgu strôcs polo dŵr sylfaenol
2. Dechrau taflu a saethu
3. Dechrau dysgu am chwarae’r gêm

Canlyniadau

1. Nofio 10m yn y dull ar y bol gyda’u hwyneb yn y dŵr, yna 10m pen i fyny yn y dull ar y bol - Nofio 10 metr yn y dull ar y bol gyda’u hwyneb yn y dŵr, ac yna 10m yn y dull ar y bol gyda’r pen i fyny. 
2. Nofio 10m dull ar y bol gyda phen i fyny gan edrych o gwmpas - Nofio 10m dull ar y bol gyda phen i fyny, edrych i’r chwith am 3 strôc, yna syth ymlaen am 3 strôc, ac yna i’r dde am 3 strôc.
3. Nofio 10m dull ar y bol gyda phen i fyny gyda’r bêl - Nofio 10m dull ar y bol gyda phen i fyny, rheoli’r bêl o’u blaen gyda dwylo. 
4. Nofio 10m dull cefn Polo Dŵr gyda phen i fyny 
5. Nofio 5m dull ar y bol gyda phen i fyny a 5m dull ar y cefn Polo Dŵr gyda phen i fyny - Nofio 5m dull ar y bol gyda phen i fyny yna dychwelyd i’r safle dechrau drwy nofio dull cefn Polo Dŵr gyda phen i fyny. 
6. Aros yn fertigol ac yn sefydlog am 30 eiliad - Aros yn fertigol ac yn sefydlog am 30 eiliad gan ddefnyddio techneg sgwlio llaw a chic curo wy.
7. Pigo’r bêl i fyny gyda phob llaw - Mewn ystum corff fertigol sefydlog, pigo’r bêl i fyny o dan arwyneb y dŵr gyda dwylo bob yn ail, a dod â’r bêl rownd uwchben y pen rhwng 3 a 6 o’r gloch.  Ailadrodd hyn 6 gwaith gyda phob llaw.
8. Pasio a dal y bêl dros 2m - Mewn ystum corff fertigol, pasio’r bêl yn gywir gyda phartner, defnyddio un llaw i daflu a dwy law i ddal dros bellter o 2 fetr.  Ailadrodd hyn nes bod pob chwaraewr wedi pasio’r bêl 10 gwaith.
9. Saethu at darged 2m i ffwrdd - Mewn ystum corff fertigol a sefydlog, pigo’r bêl i fyny a saethu at darged 2 fetr i ffwrdd; y nod yw taro’r targed. Ailadrodd hyn pum gwaith gyda’r fraich a ffefrir.  Efallai mai gôl, cic fwrdd, poteli ac ati fydd y targed.  Ystum corff da a throi’r corff yn ystod y symudiad saethu; fflicio’r cledr a bysedd ar ôl rhyddhau’r bêl.
10. Chwarae gêm Polo Bach - Chwarae gêm Polo Bach gydag o leiaf tri chwaraewr ym mhob tîm, dangos sgiliau o gwrs Sgiliau Polo Dŵr Lefel 1. 

Lefel 2

Nodau

1. Datblygu symudedd yn y gêm.
2. Gwella sgiliau taflu a saethu
3. Datblygu sgiliau chwarae’r gêm gyda mwy o chwaraewyr yn nofio yn ystod y gêm. 

Canlyniadau

1. Nofio 20m ar y bol, gyda’u hwyneb yn y dŵr bob yn ail a phen i fyny - Nofio 20 metr ar y bol, 3 strôc gyda’u hwyneb yn y dŵr ac yna 3 strôc gyda phen i fyny yn y dull ar y bol, mewn gweithred barhaus. 
2. Nofio 20m dull ar y bol gyda phen i fyny gan edrych o gwmpas - Nofio 20m dull ar y bol gyda phen i fyny, edrych i’r chwith am 3 strôc, yna syth ymlaen am 3 strôc, ac yna i’r dde am 3 strôc.
3. Nofio 20m dull ar y bol gyda phen i fyny gyda’r bêl - Nofio 20m dull ar y bol gyda phen i fyny, rheoli’r bêl o’u blaen gyda dwylo. 
4. Aros yn fertigol ac yn sefydlog am 45 eiliad - Aros yn fertigol ac yn sefydlog am 45 eiliad gan ddefnyddio techneg sgwlio llaw a chic curo wy.
5. Symud 5m ymlaen, yn ôl, i’r chwith ac i’r dde gyda bodiau bysedd allan o’r dŵr - Symud 5 metr ymlaen, 5 metr yn ôl, 5 metr i’r chwith a 5 metr i’r dde, gan gyrraedd yn ôl i’r man cychwyn.  Dwylo sgwlio a chic curwr wy cryf mewn ystum corff fertigol. Ciciau da ac ystum corff fertigol drwy gydol. 
6. Symud 5m ymlaen, yn ôl, i’r chwith ac i’r dde gyda cledrau dwylo allan o’r dŵr - Symud 5 metr ymlaen, 5 metr yn ôl, 5 metr i’r chwith a 5 metr i’r dde, gan gyrraedd yn ôl i’r man cychwyn.  Dwylo sgwlio a chic curwr wy cryf mewn ystum corff fertigol tra’n cadw cledrau dwylo allan o’r dŵr. Ciciau da ac ystum corff fertigol drwy gydol. 
7. Nofio yn y dull ar y bol gyda phen i fyny gyda’r cloc o amgylch sgwâr 5 metr - Nofio yn y dull ar y bol gyda phen i fyny gyda’r cloc o amgylch sgwâr 5 metr gyda’r cloc. Ar ôl nofio 5 metr, troi 90° i’r dde, heb ddefnyddio’r wal na’r llawr a chynnal ystum corff llorweddol.  Ailadrodd hyn 3 gwaith nes y byddwch yn ôl yn y safle cychwynnol.
8. Nofio yn y dull ar y bol gyda phen i fyny gwrthglocwedd o amgylch sgwâr 5 metr - Nofio yn y dull ar y bol gyda phen i fyny gyda’r cloc o amgylch sgwâr 5 metr gwrthglocwedd. Ar ôl nofio 5 metr, troi 90° i’r chwith, heb ddefnyddio’r wal na’r llawr a chynnal ystum corff llorweddol.  Ailadrodd hyn 3 gwaith nes y byddwch yn ôl yn y safle cychwynnol.
9. Pigo’r bêl i fyny gyda phob llaw - Mewn ystum corff fertigol sefydlog, pigo’r bêl i fyny o dan arwyneb y dŵr gyda’r llaw a ffefrir, a dod â’r bêl rownd uwchben y pen rhwng 3 a 6 o’r gloch.  Ailadrodd hyn 10 gwaith gyda phob llaw.
10. Pasio a dal y bêl dros 3m - Mewn ystum corff fertigol sefydlog, pasio’r bêl yn gywir gyda phartner, defnyddio un llaw i daflu ac un llaw i ddal dros bellter o 3 metr.  Ailadrodd hyn nes bod pob chwaraewr wedi pasio’r bêl 10 gwaith. Rheoli’r bêl yn dda, ystum fertigol a lletraws/ corff bocsio cryf. 
11. Saethu at darged 3m i ffwrdd - Mewn ystum corff fertigol a sefydlog, pigo’r bêl i fyny gyda llaw a ffefrir a saethu at darged 3 metr i ffwrdd.  Ailadrodd hyn 5 gwaith. Efallai mai gôl, cic fwrdd, poteli ac ati fydd y targed.  Ystum corff da a throi’r corff yn ystod y symudiad saethu; fflicio’r cledr a bysedd ar ôl rhyddhau’r bêl
12. Chwarae gêm Polo Bach - Chwarae gêm Polo Bach gydag o leiaf tri chwaraewr ym mhob tîm, dangos sgiliau o gwrs Sgiliau Polo Dŵr Lefel 2. 

Lefel 3

Nodau

1. Gwella techneg curwr wy i gael symudiad mwy deinamig
2. Cyflwyno driblo a dal
3. Annog gemau i gynnwys chwaraewyr yn dal a saethu mewn un weithred 

Canlyniadau

1. Nofio 30m dull ar y bol gyda’r bêl, gan edrych o gwmpas - Nofio 30m dull ar y bol gyda phen i fyny, rheoli’r bêl o’ch blaen tra’n edrych i’r chwith am 3 strôc, yna syth ymlaen am 3 strôc, ac yna i’r dde am 3 strôc.
2. Nofio 30m dull ar y bol gyda phen i fyny ac yna dull ar y cefn Polo Dŵr gyda phen i fyny - Nofio 30m ar y bol gyda phen i fyny am 3 strôc yna dull ar y cefn Polo Dŵr gyda phen i fyny am 3 strôc, mewn gweithred barhaus.
3. Nofio 5m dull ar y bol gyda phen i fyny a dull ar y cefn Polo Dŵr gyda phen i fyny, a’i ailadrodd - Nofio 5m dull ar y bol gyda phen i fyny yna dychwelyd i’r safle dechrau drwy nofio dull cefn Polo Dŵr gyda phen i fyny.  Ailadrodd y weithred 5 gwaith.
4. Aros yn fertigol ac yn sefydlog am 60 eiliad, yna symud i ffwrdd - Aros yn fertigol ac yn sefydlog am 60 eiliad gan ddefnyddio techneg sgwlio llaw a chic curo wy. Ystum y corff yn uchel allan o’r dŵr. Ar ôl 60 eiliad, symud i ffwrdd i unrhyw gyfeiriad mor gyflym â phosibl. 
5. Perfformio 10 naid un llaw - Aros yn fertigol a sefydlog.  Perfformio 10 naid un llaw, gan newid rhwng y llaw chwith a’r llaw dde.
6. Nofio 30m ar y bol gyda phen i fyny, stopio bob 3 strôc i aros mewn ystum llorweddol - Nofio 30m ar y bol gyda phen i fyny - stopio bob 3 strôc i aros mewn ystum llorweddol am 3 eiliad, yna sgwlio dwylo a’r techneg cicio curwr wy.
7. Aros yn fertigol ac yn sefydlog am 30 eiliad, yna symud i ffwrdd - Aros yn fertigol ac yn sefydlog ar arwyneb y dŵr am 30 eiliad gan ddefnyddio techneg sgwlio llaw a chic curo wy. Ystum y corff mor uchel â phosibl allan o’r dŵr. Ar ôl 30 eiliad, symud i ffwrdd i unrhyw gyfeiriad mor gyflym â phosibl. 
8. Mewn ystum fertigol, symud 5m ymlaen, yn ôl, i’r chwith ac i’r dde gyda phêl mewn un llaw - Symud 5 metr ymlaen, 5 metr yn ôl, 5 metr i’r chwaith a 5 metr i’r dde, gan gyrraedd yn ôl i’r man cychwyn, gan ddefnyddio un llaw sgwlio a chic curwr wy mewn ystum fertigol tra’n gafael yn y bêl yn y llaw a ffefrir rhwng 3 a 6 o’r gloch. Cicio’n dda gyda’r coesau, ystum corff fertigol drwy gydol, delio â’r bêl yn sicr a newid cyfeiriad yn gyflym.
9. Pasio a dal y bêl dros 4m - Mewn ystum corff fertigol sefydlog, pasio’r bêl yn gywir gyda phartner, defnyddio un llaw i daflu ac un llaw i ddal dros bellter o 4 metr.  Ailadrodd hyn nes bod pob chwaraewr wedi pasio’r bêl 10 gwaith. Rheoli’r bêl yn dda, ystum fertigol a lletraws/ corff bocsio cryf. 
10. Saethu at darged 4m i ffwrdd - Mewn ystum corff fertigol a sefydlog, pigo’r bêl i fyny gyda llaw a ffefrir a saethu at darged 4 metr i ffwrdd.  Ailadrodd hyn 5 gwaith. Efallai mai gôl, cic fwrdd, poteli ac ati fydd y targed.  Ystum corff da a throi’r corff yn ystod y symudiad saethu; fflicio’r cledr a bysedd ar ôl rhyddhau’r bêl.
11. Dal a saethu at darged 4m i ffwrdd - Mewn ystum fertigol sefydlog, derbyn a phasio o 3 o’r gloch (h.y. yr ochr dde) a dal y bêl gyda llaw a ffefrir.  Yna saethu at darged 4 metr i ffwrdd. Ailadrodd hyn pum gwaith gyda’r llaw a ffefrir.  Efallai mai gôl, cic fwrdd, poteli ac ati fydd y targed.  Ystum corff da a throi’r corff yn ystod y symudiad saethu; fflicio’r cledr a bysedd ar ôl rhyddhau’r bêl.
12. Chwarae gêm o Polo Dŵr - Chwarae gêm o Polo Dŵr, a fydd yn para 4 x 5 munud, defnyddio sgiliau o Sgiliau Polo Dŵr Lefel 3.  Defnyddio techneg dda i ddangos dealltwriaeth sylfaenol o sut i chwarae’r gêm.

Lefel 4

Nodau

1. Gwella gallu i ddal a saethu.
2. Cynyddu cyflymder newid cyfeiriad tra’n chwarae gêm. 
3. Cynyddu stamina drwy chwarae gemau hirach. 

Canlyniadau

1. Nofio 20m ar y bol gyda phen i fyny gyda’r bêl, yna ei basio - Nofio 20m ar y bol gyda phen i fyny, rheoli’r bêl o’u blaen, yna ei basio i’r chwith neu’r dde ar y dŵr i chwaraewr arall sydd hefyd yn nofio ar eu bol.
2. Mewn ystum fertigol, symud 5m ymlaen, yn ôl, i’r chwith ac i’r dde gyda dwylo ar eu pen - Gyda dwylo ar eu pen, symud 5 metr ymlaen, 5 metr yn ôl, 5 metr i’r chwith a 5 metr i’r dde, gan gyrraedd yn ôl i’r man cychwyn.  Ciciau da, ystum corff fertigol mor uchel â phosibl allan o’r dŵr a newid cyfeiriad yn gyflym.
3. Perfformio 10 naid un llaw i’r ochr - Parhau i wynebu ymlaen, dylai’r corff ddod i fyny’n fertigol ac yna i’r ochr gan estyn allan gyda’r fraich, a newid rhwng y llaw chwith a’r dde. 
4. Nofio ar y bol gyda phen i fyny, gyda’r cloc o amgylch sgwâr 3 metr - Nofio ar y bol gyda phen i fyny gyda’r cloc o amgylch sgwâr 3 metr gyda’r cloc. Ar ôl nofio 3 metr, troi 90° i’r dde, heb ddefnyddio’r wal na’r llawr a chynnal ystum corff llorweddol.  Ailadrodd hyn 3 gwaith nes y byddwch yn ôl yn y safle cychwynnol.
5. Nofio ar y bol gyda phen i fyny gwrthglocwedd o amgylch sgwâr 3 metr - Nofio ar y bol gyda phen i fyny gwrthglocwedd o amgylch sgwâr 3 metr gyda’r cloc.  Ar ôl nofio 3 metr, troi 90° i’r chwith, heb ddefnyddio’r wal na’r llawr a chynnal ystum corff llorweddol.  Ailadrodd hyn 3 gwaith nes y byddwch yn ôl yn y safle cychwynnol.
6. Nofio 5m ar y bol gyda phen i fyny a throi 180°, ailadrodd hyn - Nofio 5m ar y bol gyda phen i fyny ac yna troi’n sydyn heb ddefnyddio’r wal na llawr a nofio 5 metr ar y bol gyda phen i fyny, gan gyrraedd yn ôl i’r man cychwyn. Ailadrodd y weithred 5 gwaith.
7. Nofio 5m ar y cefn dull Polo Dŵr gyda phen i fyny a throi 180° i nofio 5m ar y bol gyda phen i fyny, ailadrodd hyn - Nofio 5m ar y cefn dull Polo Dŵr gyda phen i fyny, yna troi’n sydyn heb ddefnyddio’r wal na llawr a nofio 5 metr ar y bol gyda phen i fyny heb ddefnyddio’r wal na’r llawr a 5 metr ar y bol gyda phen i fyny, gan gyrraedd yn ôl i’r man cychwyn. Ailadrodd y weithred 5 gwaith.
8. Dal a saethu at darged 4m i ffwrdd - Mewn ystum corff fertigol sefydlog, derbyn a phasio i’r ochr dde a dal y bêl gydag un llaw.  Yna saethu at darged 4 metr i ffwrdd. Ailadrodd hyn pum gwaith gyda’r llaw a ffefrir.  Efallai mai gôl, cic fwrdd, poteli ac ati fydd y targed.  Ystum corff da a throi’r corff yn ystod y symudiad saethu; fflicio’r cledr a bysedd ar ôl rhyddhau’r bêl.
9. Dal a saethu at darged 5m i ffwrdd - Mewn ystum corff fertigol sefydlog, derbyn a phasio i’r ochr chwith a dal y bêl gydag un llaw.  Yna saethu at darged 5 metr i ffwrdd. Ailadrodd hyn pum gwaith gyda’r llaw a ffefrir.  Efallai mai gôl, cic fwrdd, poteli ac ati fydd y targed.  Ystum corff da a throi’r corff yn ystod y symudiad saethu; fflicio’r cledr a bysedd ar ôl rhyddhau’r bêl.
10. Chwarae gêm o Polo Dŵr - Chwarae gêm o Polo Dŵr, a fydd yn para 4 x 5 munud, defnyddio sgiliau o Sgiliau Polo Dŵr Lefel 4.  Defnyddio techneg dda i ddangos dealltwriaeth sylfaenol o sut i chwarae’r gêm.

Lefel 5

Nodau

1. Cyflwyno driliau sy’n cyd-fynd â’r gêm (driliau stopio/cychwyn). 
2. Cyflwyno ffugio a sut i’w ddefnyddio mewn gêm.
3. Arddangos sgiliau o lefelau 1 i 5 yn ystod gêm. 

Canlyniadau

1. Nofio 20m ar y bol gyda phen i fyny gyda’r bêl, yna ei basio - Nofio 20m ar y bol gyda phen i fyny, rheoli’r bêl o’u blaen, yna ei basio i’r chwith neu’r dde i law chwaraewr arall sydd hefyd yn nofio ar eu bol, sy’n dal y bêl yn y strôc.
2. Mewn ystum llorweddol, symud 5m ymlaen, yn ôl, i’r chwith ac i’r dde - Symud 5 metr ymlaen, 5 metr yn ôl, 5 metr i’r chwith a 5 metr i’r dde, gan gyrraedd yn ôl i’r man cychwyn.  Sgwlio’n gryf gyda dwylo a chiciau curwr wy i aros yn llorweddol ar arwyneb y dŵr. Ciciau da, ystum corff mor uchel â phosibl allan o’r dŵr a newid cyfeiriad yn gyflym.
3. Nofio 20m ar y bol gyda phen i fyny, gyda’r bêl, stopio bob 3 strôc i aros mewn ystum fertigol - Nofio 20m ar y bol gyda phen i fyny - stopio bob 3 strôc a symud mewn i ystum corff fertigol, dal y safle yma am 5 eiliad, yna sgwlio dwylo a’r dechneg cicio curwr wy.
4. Nofio 20m ar y bol gyda phen i fyny, gyda’r bêl, stopio bob 3 strôc i aros mewn ystum llorweddol - Nofio 20m ar y bol gyda phen i fyny - stopio ar ôl bob 3 strôc i aros mewn ystum llorweddol am 5 eiliad, gan ddefnyddio techneg sgwlio dwylo a’r dechneg cicio curwr wy.
5. Mewn ystum fertigol, symud 5m ymlaen, yn ôl, i’r chwith ac i’r dde gyda’r bêl - Gyda braich yn dal pêl uwchben eu pen, symud 5 metr ymlaen, 5 metr yn ôl, 5 metr i’r chwith a 5 metr i’r dde, gan gyrraedd yn ôl i’r man cychwyn.  Dwylo sgwlio a chiciau curwr wy cryf i aros yn yr ystum corff fertigol gyda braich yn dal pêl y tu allan i’r dŵr ac uwch ben y pen.  Ciciau da, ystum corff mor uchel â phosibl allan o’r dŵr a newid cyfeiriad yn gyflym.
6. Aros yn fertigol a sefydlog am 30 eiliad tra’n ‘ffugio’ y bêl - Aros yn fertigol a sefydlog am 30 eiliad tra’n ‘ffugio’ y bêl (h.y. cogio taflu’r bêl ond ei gadw yn y llaw), defnyddio techneg sgwlio dwylo a chiciau curwr wy.  Cicio’n gryf, ystum corff fertigol cryf mor uchel â phosibl allan o’r dŵr ac yn hyderus yn trin y bêl.
7. Mewn ystum fertigol, symud 5m ymlaen, yn ôl, i’r chwith ac i’r dde, tra’n ‘ffugio’ y bêl - Tra’n ‘ffugio’ y bêl, symud 5 metr ymlaen, 5 metr yn ôl, 5 metr i’r chwith a 5 metr i’r dde, gan gyrraedd yn ôl i’r man cychwyn.  Dwylo sgwlio a chic curwr wy cryf mewn ystum corff fertigol. Rhaid i’r bêl deithio rhwng 3 a 6 o’r gloch mewn chwarter cylchoedd uwch ben y pen. Ciciau da, ystum corff mor uchel â phosibl allan o’r dŵr a newid cyfeiriad yn gyflym.
8. Pigo’r bêl i fyny gyda phob llaw - Mewn ystum corff fertigol sefydlog, pigo’r bêl i fyny o dan arwyneb y dŵr gyda dwylo bob yn ail, a dod â’r bêl rownd uwchben y pen rhwng 3 a 6 o’r gloch.  Ailadrodd hyn 10 gwaith gyda phob llaw.
9. Pasio a dal y bêl dros 5m - Mewn ystum corff fertigol sefydlog, pasio’r bêl yn gywir gyda phartner, defnyddio un llaw i daflu ac un llaw i ddal dros bellter o 5 metr.  Ailadrodd hyn nes bod pob chwaraewr wedi pasio’r bêl 10 gwaith. Rheoli’r bêl yn dda, ystum fertigol a lletraws/ corff bocsio cryf. 
10. Dal o’r dde a saethu at darged 5m i ffwrdd - Mewn ystum fertigol sefydlog, derbyn a phasio i’r ochr dde a dal y bêl gyda llaw a ffefrir.  Yna saethu at darged 5 metr i ffwrdd. Ailadrodd hyn pum gwaith gyda’r llaw a ffefrir.  Efallai mai gôl, cic fwrdd, poteli ac ati fydd y targed.  Ystum corff da a throi’r corff yn ystod y symudiad saethu; fflicio’r cledr a bysedd ar ôl rhyddhau’r bêl. Cyfres gydlynol o sgiliau i greu siot effeithiol.
11. Dal o’r chwith a saethu at darged 5m i ffwrdd - Mewn ystum corff fertigol sefydlog, derbyn a phasio i’r ochr chwith a dal y bêl gydag un llaw.  Yna saethu at darged 5 metr i ffwrdd. Ailadrodd hyn 5 gwaith. Efallai mai gôl, cic fwrdd, poteli ac ati fydd y targed.  Ystum corff da a throi’r corff yn ystod y symudiad saethu; fflicio’r cledr a bysedd ar ôl rhyddhau’r bêl. Cyfres gydlynol o sgiliau i greu siot effeithiol.
12. Chwarae gêm o Polo Dŵr - Chwarae gêm o Polo Dŵr, a fydd yn para 4 x 5 munud, defnyddio sgiliau o Sgiliau Polo Dŵr Lefel 5.  Defnyddio techneg dda i ddangos dealltwriaeth sylfaenol o sut i chwarae’r gêm.

I gael rhagor o fanylion am unrhyw weithgaredd neu glwb, cysylltwch â ni neu gallwch ymweld â’ch pwll nofio lleol.