Academi/SwimFit Ieuenctid

Cyfanswm yr amser nofio a argymhellir ar y lefel yma yw 1 awr yr wythnos, naill ai mewn rhaglen Dysgu Nofio neu glwb nofio.

Nodau

1. Datblygu techneg deifio a chyfnod dan y dŵr
2. Datblygu techneg troi
3. Datblygu techneg stroc dros bellter hirach, troi yn gyfreithiol, cyfnod dan y dŵr a gorffeniadau
4. Datblygu techneg cicio a thynnu

Canlyniadau'r Asesiad

Mae strocs a gweithredoedd cyfreithiol yn cyfeirio at gydymffurfio a chyfreithiau FINA.

1. Deifio mewn i ddŵr bas a chiciau dolffin o dan y dŵr - Deifio mewn i ddŵr bas, yna ciciau dolffin o dan y dŵr am o leiaf 5m gan gynnal ystum corff lliflin. Isafswm dyfnder o 1.8m
2. Deifio mewn i ddŵr bas a chyfnod o nofio dull broga o dan y dŵr - Deifio mewn i ddŵr bas, yna cwblhau un dull broga o dan y dŵr a chicio i'r wyneb. Isafswm dyfnder o 1.8m
3. Troi wrth wal gan ddefnyddio dull bol a dull broga - Nofio tuag at wal y pwll, troi, gwthio i ffwrdd mewn ystum lliflin a chyflawni ciciau dolffin o dan y dŵr am 5m yn y dull bol a dull broga.
4. Sgwlio am 25m ar y bol a 25m ar y cefn - Defnyddio teclyn arnofio i gefnogi ystum y corff, sgwlio 25 metr ar y bol a 25 metr ar y cefn, gan ganolbwyntio ar deimlo'r dŵr.
5. Nofio 75m ar y bol - Nofio 75 metr ar y bol gan nofio 5m o dan y dŵr gyda chiciau dolffin o'r dechrau, troi gyda chiciau tanddwr lliflin oddi ar bob wal a gorffeniad cyfreithiol. Defnyddio cyfuniad o anadlu ar y ddwy ochr (e.e. 3 neu 5 stroc), ac anadlu ar un ochr (e.e. 2 neu 4 stroc), gan newid ar ddiwedd pob hyd.
6. Nofio 75m ar y cefn - Nofio 75 metr ar y cefn gan nofio 5m o dan y dŵr gyda chiciau dolffin o'r dechrau, troi'n gyfreithiol gyda chiciau dolffin tanddwr lliflin oddi ar bob wal a gorffeniad cyfreithiol.
7. Nofio 50m yn y dull broga - Nofio 50 metr yn y dull broga, gan droi'n gyfreithiol dan y dŵr oddi ar bob wal a chyffwrdd, troi a gorffen yn gyfreithiol.
8. Nofio 50m yn y dull pili pala - Nofio 50 metr yn y dull pili pala gan nofio 5m o dan y dŵr gyda chiciau dolffin o'r dechrau, cyffwrdd a throi'n gyfreithiol gyda chiciau dolffin tanddwr lliflin oddi ar y wal, a gorffeniad cyfreithiol.
9. Perfformio cic fedrus dechnegol am 100m - Perfformio cic fedrus dechnegol am 100 metr: 50 metr ar y bol ac yna 50 metr gyda stroc wahanol; gan ddefnyddio bwrdd cicio os yw'n briodol ar gyfer y stroc a ddewisir.
10. Tynnu 50m ar y bol - Gan ddefnyddio teclyn arnofio, tynnu 50metr ar y bol.
11. Nofio 2 x 100m yn y Dull Cymysg Unigol - Dechrau drwy ddeifio i mewn a chiciau dolffin tanddwr am 5m, nofio 2 x 100 metr yn y dull cymysg unigol gan droi’n gyfreithiol, cyfnodau dan y dŵr a gorffen.
12. Cymryd rhan mewn ras gyfnewid gymysg - Cymryd rhan mewn ras gyfnewid gymysg gan gyfnewid yn gyfreithiol, bydd pob nofiwr yn nofio 25 metr. Dylid nofio'r ras gyfnewid gymysg yn y drefn ganlynol: dull ar y cefn, dull broga, dull pili pala, dull ar y bol.

Cyfanswm yr amser nofio a argymhellir ar y lefel yma yw 1 awr yr wythnos.

Nodau

1. Datblygu technegau deifio mewn i'r dŵr a newid stroc dan y dŵr gan ddefnyddio 5 metr o giciau dolffin tanddwr, sy’n briodol i'r stroc.
2. Troi'n gyfreithiol yn y 4 stroc gan ddefnyddio 5 metr o giciau dolffin tanddwr pan fo'n briodol.
3. Datblygu techneg stroc dros bellter hirach, troi yn gyfreithiol, cyfnod dan y dŵr a gorffeniadau.
4. Cynyddu pellter techneg tynnu a chicio medrus.

Canlyniadau'r Asesiad

Mae strocs a gweithredoedd cyfreithiol yn cyfeirio at gydymffurfio a chyfreithiau FINA.

1. Deifio mewn i'r dŵr am 3 stroc, i gynnwys dull ar y cefn, dull broga, dull ar y bol neu ddull pili pala - Deifio mewn i'r dŵr ar gyfer dull ar y cefn, dull broga, dull ar y bol neu ddull pili pala a newid i stroc berthnasol i 15 metr. Ar gyfer y dull ar y bol, dull ar y cefn a'r dull pili pala, nofio am isafswm o 5m tanddwr mewn ystum lliflin gyda chiciau dolffin, a newid i stroc lawn; ar gyfer y dull broga, dangos y cyfnod tanddwr cyfreithiol a newid i stroc lawn.
2. Troi wrth y wal am 4 stroc - Troi wrth y wal am 4 stroc gan ddefnyddio'r dull troi cyfreithiol ar gyfer y dull ar y bol a dull ar y cefn a chyffwrdd a throi cyfreithiol ar gyfer dull broga a dull pili pala, gan ddefnyddio'r cyfnod tanddwr cyfreithiol i newid stroc.
3. Sgwlio gyda'r dwylo wedi'u hymestyn am 25 metr ar y bol a 25m ar y cefn - Gan ddefnyddio teclyn arnofio i gefnogi ystum y corff os oes angen, sgwlio am 25 metr ar y bol a 25 metr ar y cefn, gan sgwlio gyda'r dwylo wedi'u hymestyn.
4. Nofio 100m ar y bol - Nofio 100 metr ar y bol gan nofio 5m o dan y dŵr gyda chiciau dolffin o'r dechrau, troi gyda chiciau tanddwr lliflin oddi ar bob wal a gorffeniad cyfreithiol. Defnyddio cyfuniad o anadlu ar y ddwy ochr (e.e. 3 neu 5 stroc), ac anadlu ar un ochr (e.e. 2 neu 4 stroc), gan newid ar ddiwedd pob hyd.
5. Nofio 100m ar y cefn - Nofio 100 metr ar y cefn gan nofio 5m o dan y dŵr gyda chiciau dolffin o'r dechrau, troi'n gyfreithiol gyda chiciau dolffin tanddwr lliflin oddi ar bob wal a gorffeniad cyfreithiol.
6. Nofio 75m yn y dull broga - Nofio 75 metr yn y dull broga, gan droi'n gyfreithiol dan y dŵr oddi ar bob wal a chyffwrdd, troi a gorffen yn gyfreithiol.
7. Nofio 75m yn y dull pili pala - Nofio 75 metr yn y dull pili pala gan nofio 5m o dan y dŵr gyda chiciau dolffin o'r dechrau, cyffwrdd a throadau cyfreithiol gyda chiciau dolffin tanddwr lliflin oddi ar y wal, a gorffeniad cyfreithiol.
8. Perfformio cic 200m - Perfformio cic am 200 metr: 100 metr ar y bol ac yna 100 metr gyda stroc wahanol, gan ddefnyddio bwrdd cicio os yw'n briodol ar gyfer y stroc a ddewisir.
9. Tynnu 50m yn y dull ar y bol a 50m yn y dull ar y cefn - Gan ddefnyddio teclyn arnofio, tynnu 50 metr yn y dull ar y bol ac yna 50 metr yn y dull ar y cefn.
10. Nofio 3 x 100m yn y Dull Cymysg Unigol - Dechrau drwy ddeifio i mewn a chiciau dolffin tanddwr am 5m, nofio 3 x 100 metr yn y dull cymysg unigol gan droi'n gyfreithiol, cyfnodau dan y dŵr a gorffen.
11. Nofio 300m ar y bol yn barhaus - Nofio 300 metr ar y bol gan nofio 5m o dan y dŵr gyda chiciau dolffin o'r dechrau, troi gyda chiciau tanddwr lliflin oddi ar bob wal a gorffeniad cyfreithiol.
12. Cymryd rhan mewn ras gyfnewid - Cymryd rhan mewn ras gyfnewid gan gyfnewid yn gyfreithiol, bydd pob nofiwr yn nofio 50 metr.